www.arab.mountada.net
أهلاً ومرحباًبكم معنا فى منتدى العلم والمعرفة وتبادل الآراء عزيزى الزائر يرجى التسجيل حتى يمكنك وضع مواضيع بالمنتدى وكذلك تحميل البرامج المحاسبية التى تحتاجها فى الوحدة الحسابية ونشكركم على التواصل معنا مع تحيات مدير عام المنتدى
محاسب / عبدالرءوف نصار ..... المديرية المالية بالشرقية

www.arab.mountada.net

منتدى ممثلى وزارة المالية بجمهورية مصر العربية .................... حماة المال العام
 
الرئيسيةالبوابةس .و .جبحـثالتسجيلدخول
  أهلاً ومرحباً بكم على صفحات منتدى مندوبى وزارة المالية  بمصر الحبيبة .. آراء .. تواصل .. يرجى التسجيل لإمكانية المساهمة وتنزيل الملفات .. بيان الوظيفة وجهة العمل حتى يمكن التواصل الجاد .....
  مجموعة من البرامج المحاسبية التى تسهل العمل بالوحدات الحسابية .. دقة .. سرعة ..
  قسم للحوار لطرح جميع المشاكل التى تواجه مندوب وزارة المالية والعمل على حلها ..
  منشورات .. كتب دورية .. فتاوى قانونية .. أحدث تعليمات وزارة المالية ..
   مقتطفات إسلامية متميزة ..
   منتدى الشعر .. خواطر مندوب مالية .. 
  لوائح وقوانين تهم مندوب وزارة المالية ..
  منوعات مالية .. قيود محاسبية .. قسم الكمبيوتر .. قسم الفيجوال بيسك ..
  يرجى من كافة الأخوة الأعضاء المساهمة بكافة الموضوعات لتكون الفائدة  للجميع مع تحياتى مدير عام المنتدى ............

شاطر | 
 

 الحرية ...............

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عبدالرءوف نصار
Admin
avatar

عدد المساهمات : 217
تاريخ التسجيل : 17/05/2011
العمر : 59
الموقع : www.arab.mountada.net

مُساهمةموضوع: الحرية ...............   الأحد أكتوبر 09, 2011 5:57 pm


الحرية ................!!
------------
قبل الثورة ...........
إبنى سألنى ع ال الحرية
تعرف ايه معنى الحرية ...؟
أل يعنى أنا عشت الحرية ....!
قلت يا ولدى ..........
أصل أنا عشت زمان ومكان
مبيعرف طعم الحرية
إتربينا ناكل .. نشرب
ما ف يوم نسأل ع ال الحرية
دا الحرية دا بس شعار
هيا الحرية الوطنية
م بيعرفها ولا بيطولها
غير الأوغاد والحرامية
اللى بيسرق واللى بينهب
اللى بيِسجن واللى بيقتل
من تحت شعار الحرية

***
إوعى يا إبنى تسأل عنها
ليه تعرفها دى كلمة رزية
كلمة قبيحة للشرعية
لو يوم تسأل ع ال الحرية
وعامل فيها ثورى ياولدى
واتخطيت كل المحاذير
تلقاك شايل ألف قضية
ليه بتخالف للقومية .؟
خنت المواثيق الدولية
خنت بلادك ...
خنت نظامك ...
وجميع الدول العربية
وإن كانلك فى العمر بقية
راح تدفع مهر الحرية
ومصيرك زنزانة فردية
وم هاتشوف الشمس يا ولدى
ولا هدوق طعم الحرية
غير برحيل كل الحرامية

***
وف يوم جالى بيسأل تانى
الواد منسيش الحرية
جالى بيضحك وبيتعاجب
رأيك إيه بقة ف الحرية .؟
هي مازالت كلمة رزية .؟
قلت يا ولدى وبعفوية
أجمل شيئ هو الحرية
رد عليا وباستغراب
ده مش رأيك ف الحرية .!
قلت ياولدى هيا قضية
كنت بقولك رأيى زمان
خفت عليك م الظلم يا ولدى
أصل الظلم دا خيبة قوية

***
سمع الهيصة ونزل يجرى
وسط شباب ناويين على نية
ناويين ثورة أبية عفية
بينى وبينكم خفت عليه
قالى يابابا وهو بيضحك
م خلاص شمينا الحرية
قالى أنا رايح ويا صحابى
لازم تفضل مصر أبية
ولا عاوزنى قاعد جنبك زى رزية
والا أتحسر وأندب حظى زى ولية
هخسرإيه هوا فيه شغلة مستنية
والا وظيفة ف عمرنا جاية
لو مُت يابابا م تزعلشى
راح أكون أنا مهرالحرية
هو الموت مش أحسن برضه من العبودية
وكمان أشرف م المطاطية
عاوزين ناس تحكمنا يا بابا بكل عدالة
من غير واسطة ولا ملاغية
ونشوف مصر بترفع راسها
وتعيش ناسها بالحرية
وبتنزاح كل الحرامية
عدى يومين
جالى العسكر ندهوا عَلَية جابوه لية
وشه بيضحك خدته فى حضنى
هزيت راسى بكل أسية
ودموع تلمع جوة عنية
رحت يا ولدى يا أغلى مالية
هيعيش دمك جوة قلوبنا دايماً نابض بالحرية
وتعيش مصر .. وتعيش مصر عزيزة أبية

***
إلى الملتقى ....................
عبد الرءوف نصار .............................

lol! lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
الحرية ...............
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
www.arab.mountada.net :: ديوان الحرية للشعر-
انتقل الى: